Gatza egiteko tailerra
Gatza egiteko tailerrari esker, modu ludiko eta dibertigarrian proba dezakezu zelan ekoizten den gatza Gatz Haranean. Esperientzia ezin hobea da familiartean edo ikaskideekin batera gozatzeko. Egun batez, gatzagetako benetako protagonista izango zara eta gatz-egilearen lanbidea ikasiko duzu.
Bereziki gaituriko gatzagetako eremu batean, gida batek modu didaktikoan erakutsiko dizkizue “urre zuria” ekoizteko urratsak: larrainak gesalez bete; trabuketea maneiatu berau betetzeko; ur gaziari arrabolekin eragin; gatza otzaretan jaso; gatza biltegietara garraiatu gordetzeko... Era berean, historia osoan Añanako Gatza ekoizteko baliatu diren metodoak ezagutuko dituzu.
Horretarako, oinutsik zaudela, oinak larrainetan sartu eta gesala nabarituko duzu, gatz-egileek baliatzen dituzten erreminta soil baina erabilgarriak erabiliko dituzu eta, azkenik, zeuk eginiko gatza etxera eramango duzu.
Jarduera hau eskola-taldeentzat zein denbora-tarte bat elkarrekin eman nahi duten familientzat dago pentsatua. Gatza egiteko tailerrak ez bazaitu asetzen, Gatz Span gozatzen jarraitzeko aukera izango duzu.
UDAN GATZAREN EKOIZPEN-DENBORALDIAN BAINO EZ
Ordutegia: 10:30, 12:30 eta 16:30.
Maiatzaren 13tik urriaren 13rarte asteburu eta jai-egunetan. Uztaila eta abuztuan egunero.
Beste aukerak deitu 945351111
IRAUPENA:
Ordubete.
PREZIOAK:
Helduak: 9 €
Taldeak (11 lagunetik gora): 8 €
Murriztua: ikasleak, erretiratuak, langabeak eta minusbaliatuak: 7 €
4 urtetik 12 urtera bitarteko umeak, horiek barne eta heldu batek lagunduta: 5 €
3 urtera bitarteko umeak, horiek barne eta heldu batek lagunduta: doan
NAHITAEZKO BALDINTZAK:
Aldez aurretiko erreserba. Web orrian ordainketa on-line egin behar da.
Bisita baino 15 minutu lehenago egon behar da Gatz Haraneko Bisitarien Zentroan.
Haurrek gutxienez heldu batek lagunduta egon behar dute.
GARRANTZITSUA:
Jarduera hau kanpoaldean egiten denez, baldintza meteorologikoen mende dago.
